Niejs & Persberichte
Tips, opmerkinge of niejtjes: laot 't ôs weite
"Tegels Blood... Det is pas good!"
| Tegels Blood is verbônge aan: |
|
Oeleskepel Tegels Blood in de Venlaop
Beej de evaluatie van de vastelaovend woort de vraog gesteld of weej ouch aan de Venlaop mei zoële doon. Zoë gezag zoë gedaon . Op sjportsjoon d’n trein van effe vur half ein in, op naor Venlo incl. ’nne inkele zjwart rië-jer.
Vanaaf ’t oétsjtappe wies op de Parade iërs ‘nne survivaltoch (euver de iézere consjtuctie op de sjatie en toen, door ’t ôngertösse bekende gaat van Venlo, nag ens euver ’n iézere consjtructie maar den nôw de deepte in). Weej haaje genne veurkeur woë weej woele gaon sjtaon. Terwiël de achterhoede van de 10km laopers zjoegend de letste hônderde maeters aaflagte nestelde weej ôs örges midden op de Parade, netuurlik in de buurt van ’n kroeg.
Ôngertösse bleef ‘t raegene, afwisselend hël met minder hël. Vur de laopers ideaal want met raegen zit d’r vuël zuursjtof in de luch; det kwaam ôs dus ouch good van pas…. De traöte woorte in werking gezatte en de minse deinde al ras mei-j op de muzikale klangke. Toeval of neet maar taegeneuver ôs zooge weej op ’n balkon nag ein kapel sjtaon; letterlik en figuurlik ’n hoëger niveau. Doordet die zoë hoëg sjtinge en ziër besjaaf (zaag) bleeze ging ’t meiste geluid verlaore; jaomer. Det noom neet weg det de wisselwerking tösse ôs en die angere kepel good verleep. As weej zooge det zeej gen instrument aan de mônk haaje bleeze weej, as zeej ôs nimmer huurde sjpeule, zatte zeej in. Achteraaf gezeen haaje weej ôs tactisch sjterk opgesjteld; tösse twië cafees in. Eine van die twië oëtbaters waar waal zoë sjlum ôs alves van drank te vurzeen. Die klante haaj hae dus al binne ( vur alle düdelikheid, weej sjtinge aevengood nag boete en ziën dao ouch blieve sjtaon).
D’n halve marathon waar gesjtart; die veurop leepe kwame vlotter vurbeej den weej ’n paar maote van ôs partie kôste blaoze. De raegen heel ’t sjteed dökker vur gezeen. De minse um ôs haer waardeerde ôs insjpanninge en veur en nao kwame d’r zelf de bekende verzeukskes. Effe leek ’t d’r op det die minse de waeg kwiët ware en ôs massaal begôste aan te moedige. Maar det loog toch iets angers. Vur det weej d’r erg in haaje, haaje de sjnelste jônges de 21 km d’r al wir op zitte. Terech det die aanmoediginge nao eur ginge. Of de minder snelle deilnemers op enig mement baat haaje beej ôs “Zutjes aan” zulle weej noëts weite. Taege kwart vur viëf waar ’t sjloes. Dingkse den desse ongesjteurd “effe van hoës bus”, sjtinge d’r op ens twië raodsleeje vur ôs neus. Rob en Frans haaje eur Venloos verder beejgesjaaf. Toch koste weej oét eur waörd opmake det detgene zeej van ôs optraeje mei gekrege haaje, good waar.
In d’n trein trük naor Tegele van rôngk half zes tracteerde weej de reizigers sjpontaan op ‘nne oétsjmieter en toen heivers. Beej de oëtzending saoves op de Stadsumroop kwaam ôs kepel, zei ’t effe, maar waal prominent in beeld.
Nao Joe-tjoep nôw ouch op d’n TV; ‘t geit soms hiël sjnel…..
Jean
