is opgerich op 11 mei 2001 en gesjtart met 11 leeje die toën allamaol vraemde van mekaar waare. Op 8 oktoeber 2006 vierde de kepel eur iërste 5½ jaörig lustrum; de hellef van ellef. Ôngertösse is de kèpel oëtgegreüjd toét 22 muziëkmakers die ‘nne hechte bangk met mekaar vorme.
Dees kepel is nauw verbônge aan de moodervereiniging, Vastelaovesgezelsjap d’n Oeles. Det wilt neet zegke det de kepel beej alle optraejes van VG D’n Oeles aanwezig is (of zoël môtte ziën). In good euverlegk met mekaar wuërd jaorliks ’t programma vasgesjteld. De samewerking, die VG d’n Oeles met angere Tegelse Joekskepelle haet, waere volop gerespecteerd. ’t Sjteit de kepel vreej eige optraejes te regele en die môtte zich wir neet biëte met ’t programma van ôs moodervereiniging.
Door ’t jaor haer wuërd d’r op dônderdigsaovend gerepeteerd in Café de Aaj Mert van half nege toët half elf, ônger leiding van Mark Jacobs. Aansjloëtend sjteit ’t idderein vreej nag ein glaeske te dringke.
Daor naevenbeej wuërd d’r vanoët de kèpel zelf van alles geregeld en of georganiseerd um d’n ôngerlinge bangk te versjterke. Zôngermiër meug ’t jaorlikse bezeuk aan de wiënfiëste in Saarburg en de Körsmert te Köln ’n hoëgtepunt genump waere.
Vanaaf d’n elfde van d’n elfde brik d’r ’n drökke periode aan. Toët en met de vastelaovend zôndigmiddig (receptie van ’t prinselijkke Oeles-trio) ziën d’r gemiddeld zô’n 15 optraejes.
Vanaaf d’n elfde van d’n elfde brik d’r ’n drökke periode aan. Toët en met de vastelaovend zôndigmiddig (receptie van ’t prinselijkke Oeles-trio) ziën d’r gemiddeld zô’n 15 optraejes. 